Larunbata zoriontsu amaitu zen Iraurgiko zaletuentzat. Pielagosen aurkako neurketari gogotsu ekin zioten Txakartegiren mutilek, eta 5. minuturako (20-6) ezarri zuten markagailuan. Lehen laurden horretan bikain aritu zen Aranbarri, eta (28-17) zelarik iritxi ginen laurden honen amaierara.

Bazirudien partidu erraza izango zela Iraurgikoentzat, baina bigarren laudenean gauzak nahiko zail jarri zizkiguten kanpotarrek, Jaime Garcíak 3ko 3 jaurtiketa jarraian sartu ostean (30-26) jarri baitzuen markagailuan. Laurden hau (47-41) amaitu zen.

Hirugarren laurdenaren haseran urduritasuna zen nagusi ikuslegoen artean, baina Epik zekulako ikustaldia eskaini zigun 11 puntu jarraian sartuaz, eta partidua hautsitzea lortu zuten (73-57) amaituz laurden hau.

Azken laurdenean lasaiago jokatu zuten etxekoek markagailuan zegoen errenta ikusirik, eta berriz ere Aranbarrik eta J. Leonek jokaldi politak egin zituzten taldekideen laguntzaz, azkenik (95-76)an utziaz partiduko emaitza.
Beste garaipen bat Lan Mobel ISB taldearentzat, eta asteburu honetan sailkapenean gertutik jarraitzen ziotenak galdu dutela kontutan harturik, inoiz baino sendoago gelditu gara lidertzan.

Partzialak:
Lehen laurdenean: 28 – 17
Atsedenaldian: 47 – 41
Hirugarren laurdenean: 73 – 57
Amaieran: 95 – 76

Saskiratzaileak:
Lan Mobel ISB: Ibargutxi (8), Arambarri (18), Osa (6), Martínez (12), León (17) -haserako bostekoa- Arcelus (2), Arruabarrena (4), Urbieta (6), Cavada (0), Epi (17) eta Alarcia (5).

AB PAS Pielagos: Ortiz De Pinedo (14), Gomez (0), Torres (5), Jenaro (12), Poe (15) -haserako bostekoa- Anillo (0), Perez (13), Garcia (13), Fernandez (0) eta Neila (4).

Estatistikak ikusteko klikatu hemen: Iraurgi SB

P.D.
Aipatu beharrekoa baita ere gure Cheerleaderrek eskaini zizkiguten dantzaldiak kiroldegiko giroa animatuz. ZORIONAK NESKAK ETA JARRAITU HORRELA!!!